Një zjarr ka përfshirë sot një hotel në Obiliq në pronësi të deputetit të Lëvizjes Vetëvendosje dhe kandidatit për kryetar komune, Halil Thaçi.
Rastin e ka konfirmuar zëdhënësi i Policisë për rajonin e Prishtinës, Enis Pllana, i cili ka bërë të ditur se ngjarja ka ndodhur rreth orës 12:00 në magjistralen Mitrovicë–Prishtinë.
Ai tutje shtoi se Policia po merret me sqarimin e plotë të rrethanave që karakterizojnë ngjarjen.
“Sot rreth orës 12:00, është raportuar për një zjarr aktiv në një objekt në këtë magjistrale. Policia menjëherë ka dalë në vendin e ngjarjes, po ashtu janë ftuar edhe zjarrfikësit. Nga informatat fillestare nuk raportohet për persona të lënduar. Aktualisht po vijon puna hetimore për sqarimin e plotë të rrethanave që karakterizojnë ngjarjen,” ka deklaruar Pllana.