kfvanews
Qeveria e Kosovës në mbledhjen e sotme pritet që të shqyrtojë Projektligjin mbi ndarjet buxhetore për buxhetin e vitit 2026.
Kryeministri në detyrë, Albin Kurti tha se buxheti për vitin 2026 do të jetë 4 miliardë euro, shkruan KFVA
Kurti tha se u se si qeveri në detyrë po e kryejnë obligimin që shteti të mos mbetet pa buxhet, ndërsa shtoi se u takon deputetëve që ta miratojnë në Kuvend para se të shkohet në zgjedhje të reja.
“Brenda afatit ligjor sot po miratojmë projektligjin për ndarjet buxhetor për vitin fiskal 2026. Sikurse çdo vit, edhe ky buxhet ka shumë rëndësi. Kam kënaqësinë të ju njoftoj se është në vlerë prej 4 miliardë euro, ku një e katërta apo rreth 1 miliardë janë për investime kapitale. Një risi do të jetë edhe dhënia e pagës së 13-të për të gjithë punonjësit e sektorit publik, dhe rritja e pagës bazë për0,5 përqind për çdo vit përvojë pune. Ky buxhet përfshinë edhe rritjen e pensioneve, shtesave për fëmijë dhe lehonave e shumë mbështetje të tjera për familjen. Meqenëse jemi qeveri në detyrë ligji ka paraparë që edhe në situata të tilla kur formimi i institucioneve mund të zgjasë më shumë sesa që duhet, shteti vazhdon funksionimin. Ligji e parasheh që erdhe qeveria që ka përfunduar mandatin e plotë, mund të propozojë buxhetin e ri para Kuvendit. Sot përveçse po zbatojmë një detyrim ligjor sa u përket afateve për miratim të ligjit të buxhetit, po kryejmë detyrimin tonë që shteti të mos mbetet pa buxhet. U takon deputetëve që këtë buxhet ta miratojmë para se të shkojmë në zgjedhje të reja në mënyrë që të sigurohet vazhdimësia e shtetit dhe të mos mbesim pa buxhet”, tha Kurti.
