Zëvendësministri në detyrë i Zhvillimit Rajonal, Elldin Uglari, është liruar nga posti, raporton KFVA.

Zyra e Kryeministrit ka njoftuar për këtë vendim të kryeministrit në detyrë, Albin Kurti, por pa dhënë detaje për arsyet.

“Kryeministri në detyrë i Republikës së Kosovës, Albin Kurti, ka liruar sot nga detyra zëvendësministrin në detyrë të Zhvillimit Rajonal, Elldin Uglari”, thuhet në njoftim.

Lidhur me këtë, Periskopi ka kontaktuar vet Elldin Uglarin.

Ai ka thënë se nuk ka qenë në dijeni për një vendim të tillë të kryeminisntrit në detyrë.

Megjithatë ai shprehet për Periskopin se ky vendim nuk është real dhe nuk do të duhej të ndodhte.

“Nuk kam ndonjë koment të vecantë me të kallxu sincerisht. Duhet me diskutu njëherë me partinë. Jo nuk e kam prit shkarkimin, në këtë mënyrë jo. Me thënë dicka ma konkrete s’kam, por në këtë mënyrë shkarkimi nuk ka qenë real dhe nuk u kanë mirë. Më mirë kish me funksionu me dorëheqje. Jo s’është vendim i Qeverisë, i kryeministrit, nuk kam pasë dicka paraprakisht“, ka thënë ai.