Komisioni Qendror i Zgjedhjeve ka shpallur rezultatet përfundimtare të zgjedhjeve lokale të 12 tetorit për raundin e parë me përjashtim të tri komunave, Prishtinë, Junik dhe Mamushë.

Në këto komuna do të shpallet rezultati pas vendimit të Gjykatës Supreme. Kështu bëri të ditur kreu i KQZ-së, Kreshnik Radoniqi.

Në Mitrovicë, sipas rezultateve përfundimtare,  122 vota është përpara kandidati i Lëvizjes Vetëvendosje, Faton Peci, ndaj atij të Partisë Demokratike të Kosovës, Arian Tahirit.

Ata do të përballen në balotazh më 9 nëntor.

Peci në përqindje mori 47,94% të votave, ndërsa Arian Tahiri mori 47,57%.