Kryeministri kanadez Mark Carney tha se do të respektonte urdhrin e arrestit të Gjykatës Ndërkombëtare Penale për kryeministrin Benjamin Netanyahu dhe do ta arrestonte atë nëse ai udhëtonte për në Kanada, raporton KFVA.

I pyetur gjatë një interviste në Bloomberg Podcasts, të transmetuar të premten, nëse Kanadaja do ta arrestonte Netanyahun, Carney u përgjigj me vendosmëri “po”, por nuk dha hollësira.

Kryeministri kanadez tha gjithashtu se njohja e një shteti palestinez kishte qenë një përparësi për politikat e tij, por se kjo nuk ishte fundi.

“Fundi është një shtet palestinez i lirë dhe i qëndrueshëm që jeton krah për krah, në paqe dhe siguri, Shteti i Izraelit”, tha ai, raporton the times of Israel.

Ndërsa politika kanadeze që nga viti 1947 ka qenë mbështetja e një zgjidhjeje me dy shtete, Carney shpjegoi se vendimi i tij për të njohur zyrtarisht një shtet palestinez tani ishte sepse “veprimet e qeverisë së Netanyahut ishin të dizajnuara në mënyrë të qartë për t’i dhënë fund çdo mundësie për një shtet palestinez në shkelje të Kartës së OKB-së dhe në kundërshtim me politikën e qeverisë kanadeze të çdo lloji politik që nga viti 1947”.