Presidenti i Ukrainës, Volodymyr Zelensky, ka mbërritur në Shtëpinë e Bardhë për një takim të rëndësishëm me Presidentin e Shteteve të Bashkuara, Donald Trump.

Dy liderët shtrënguan duart para se të hynin brenda për bisedimet, ndërsa atmosfera në Uashington ishte e ngrohtë dhe moti me diell – një kontrast i madh me temperaturat e ftohta në Kiev.

Delegacioni ukrainas mbante një hartë të madhe, duke nxitur spekulime nëse diskutimet do të prekin mundësinë e përdorimit të raketave Tomahaëk në territorin rus.

Ndërsa dy liderët shtrënguan duart, gazetarët i drejtuan pyetje me zë të lartë Trump-it.

Gazetarët pyetën se a beson Donald Trump se do e bindë Putinin për të ndaluar luftën. “A besoni se mund ta bindni Putinin të ndalë luftën?”, pyetën ata.

Trump nuk iu përgjigj pyetjeve dhe hyri brenda Shtëpisë së Bardhë me Zelenskyyn.