kfvanews
Prokuroria Speciale ka njoftuar se ka ngritur aktakuzë kundër tre personave me inicialet P.T, A.G dhe M.A, për veprat penale “Fajdeja” dhe “Detyrimi”, shkruan KFVA.
Sipas njoftimit, të pandehurit P.T. dhe A.G. akuzohen se gjatë viteve 2022-2023, me qëllim të përfitimit të kundërligjshëm pasuror, kanë detyurar viktimën B.P, që të ndërmarrë veprime në dëm të pasurisë së tij.
Viktima thuhet se është dëmtuar në shumën mbi 100 mijë euro.
“Sipas aktakuzës, P.T., e kishte autorizuar viktimën për shitjen e një lokali në pronësi të tij, duke e mashtruar se i ishte bllokuar llogaria bankare. Viktima kishte lidhur kontratë për shtijen e lokalit me A.G., në vlerë prej 150 mijë eurosh. A.G., me arsyetimin se nuk është realizuar kontrata, përmes kanosjes e ka detyruar të paguajë shuma të mëdha parash. Ndërsa, M.A., e kishte detyruar B.P të paguaj tri herë më shumë sesa shumën e borxhit, të cilin viktima ishte detyruar ta merrte për shkak të gjendjes së rënduar financiare. Viktima është dëmtuar në shumën mbi 100.000 mijë euro”, thuhet në njoftim./Reporteri.net
