Një situatë e tensionuar është raportuar sot paradite pranë Ambasadës Amerikane në Prishtinë, ku për disa minuta u bllokua qarkullimi në rrugën “Ahmet Krasniqi”.

Zëdhënësi i Policisë për rajonin e Prishtinës, Enis Pllana, ka konfirmuar për Periskopin se arsyeja e ndërhyrjes policore ishte një rast kanosjeje i raportuar rreth orës 11:00.

“Sot rreth orës 11:00 kemi pranuar informatën për një rast kanosje në rrugën ‘Ahmet Krasniqi’ në Prishtinë. Njësitet policore janë angazhuar menjëherë dhe kanë arrestuar një person të dyshuar, i cili është duke u intervistuar,” ka deklaruar Pllana.