kfvanews
Policia e Gjakovës, përmes Njësisë së Hetimit të Trafikimit me Narkotikë, në bashkëpunim me njësi tjera policore, ka zbatuar një urdhër të Gjykatës Themelore të Gjakovës për bastisjen e pronës së dy personave të dyshuar.
Lajmin për Gazetën e kanë konfirmuar nga Drejtoria e Përgjithshme e Policisë së Kosovës.
Sipas tyre gjatë kontrollit, policia ka gjetur dhe sekuestruar substancë që dyshohet të jetë kokainë me peshë 5.71 gramë, një pushkë ajrore, 23 fishekë revoles, dy peshore dhe dëshmi të tjera që lidhen me rastin.
Për veprimet e mëtejme është njoftuar Prokuroria Themelore e Gjakovës, ndërsa provat materiale janë sekuestruar si dëshmi.
Me vendim të prokurorit, të dyshuarit janë ndaluar për 48 orë dhe ndaj tyre është iniciuar rasti për veprën penale “Blerje, shitje ose posedim i substancave narkotike”.
Konfirmimi i plotë:
Njësia e Drejtorisë për Hetimin e Trafikimit me Narkotikë së Gjakovës, në asistencë nga njësi tjera të Gjakovës, ka realizuar urdhëresën e lëshuar nga Gjykatës Themelore Gjakovë për bastisjen e pronës së të dyshuarve.
Gjatë bastisjes janë gjetur dhe sekuestruar këto prova: substancë që dyshohet të jetë narkotike – kokainë me peshë 5.71 gram, një pushkë ajrore dhe 23 fishekë të revoles, dy (2) peshore dhe dëshmi tjera relevante me rastin.
Për veprimet lidhur me rastin është njoftuar Prokurori i Shtetit pranë Prokurorisë Themelore Gjakovë, provat materiale janë sekuestruar, është proceduar rasti për ‘Blerje, shitje posedim të substancave narkotike’.
Dy të dyshuarit me vendim janë ndaluar në afat deri në 48 orë.
