kfvanews
Presidentja Vjosa Osmani ka njoftuar për takimin që ka pasur me Presidenten e Komisionit Evropian, Ursula von der Leyen, e cila po qëndron për vizitë në Kosovë.
Osmani ka thënë se mbështetja e KE’së për rrugën e Kosovës drejt integrimit në Bashkimin Evropian, mbetet thelbësore, shkruan Reporteri.net.
Ajo ka përsëritur kërkesën për heqjen e masave ndëshkuese ndaj Kosovës që i ka cilësuar si të padrejta, teksa kanë folur edhe për zbatimin e Planit të Rritjes.
“Kosova është gati të ecë përpara me përkushtim, me reforma të suksesshme dhe me besim të palëkundur në të ardhmen evropiane. Kënaqësi e veçantë ta mirëpres sërish sot në Republikën e Kosovës Presidenten e Komisionit Evropian, Ursula von der Leyen. Së bashku diskutuam për zbatimin e Planit të Rritjes, për rëndësinë e heqjes së masave të padrejta ndaj vendit tonë, si dhe për hapat tutje në rrugën drejt integrimit tonë në Bashkimin Evropian”, ka shkruar Osmani
Pas Osmanit, von der Leyen ka nisur takim me kryeministrin në detyrë, Albin Kurtin./Reporteri.net
