Pas ndërprerjes së procesit dje për shkak të rënies së sistemit, sot ka nisur numërimi i votave në Qendrën e Numërimit dhe Rezultateve (QNR), e cila ndodhet në sallën “1 Tetori” në Prishtinë.

Lajmin e ka konfirmuar për media përfaqësuesi i AAK-së, Florim Turkaj, i cili ndodhet brenda në qendër dhe ka raportuar se procesi tashmë ka rifilluar normalisht dhe gjithçka është në rregull.

Turkaj theksoi se ekipet janë duke punuar me ritëm të rregullt për të përfunduar sa më shpejt numërimin, ndërsa monitorimi po zhvillohet nën praninë e vëzhguesve dhe përfaqësuesve të subjekteve politike.

Procesi i numërimit pritet të zgjasë gjatë gjithë ditës, derisa të përfundojë verifikimi i të gjitha fletëvotimeve të ardhura nga komunat.