Komisioni Qendror i Zgjedhjeve ka filluar me publikimin e rezultateve të kandidatëve për asamble nëpër disa komunal.

Në komunën e Skenderajt tashmë janë numëruar 25 nga 72 vendvotime ose 34,72% të votave të kandidatëve.

Tre kandidatët më të votuar për Asamblenë e Skenderajt nga PDK janë: Adelina Spahiu Alija e cila deri më tani ka marrë 3 mijë e 219 vota, Fikret Rexhepi – 356 vota dhe Nehat Ahmeti me 257 vota.

Tek Lëvizja Vetëvendosje këta janë tre kandidatët më të votuar: Hysni Mehani me 281 vota, Bahri Zabeli 42 vota dhe Suad Gucati me 39 vota.

Kurse tek Iniciativa Qytetare për Skenderaj më të votuarit janë Hisni Avdullahi me 230 vota, Shaban Hajdari me 67 vota dhe Valon Aliu me 26 vota.

Në Skenderaj fituese pa balotazh ka dalë Sami Lushtaku.

PDK për Kuvendin Komunal të Skenderajt ka dalë po ashtu e para me 78.82 për qind.

E dyta Vetëvendosje me 6.88 për qind të votave.  Dhe e treta Iniciativa Qytetare për Skenderaj 5.63 për qind.