Sipas rezultateve të para nga exit poll-et e zhvilluara në disa nga shkollat më të mëdha të Prishtinës, kandidati i AAK-së, Beke Berisha, po rezulton surpriza më e madhe e ditës zgjedhore.

Burime nga terreni bëjnë të ditur se në shkollat “Meto Bajraktari”, “Pavarësia” dhe “Sami Frashëri”, Berisha po dominon me një epërsi të theksuar ndaj kandidatëve të tjerë, duke treguar një rritje të ndjeshme të mbështetjes për Aleancën për Ardhmërinë e Kosovës në kryeqytet.

Kjo performancë e fuqishme, në një zonë tradicionalisht të vështirë për AAK-në, po konsiderohet si **një befasi elektorale** dhe sinjal i qartë se Beke Berisha ka arritur të tërheqë një bazë të gjerë votuesish përmes fushatës së tij të drejtpërdrejtë dhe komunikimit me qytetarët.

Rezultatet zyrtare pritet të publikohen më vonë gjatë mbrëmjes, por të dhënat e para sugjerojnë se “AAK mund të jetë në prag të një rezultati historik në Prishtinë”.