Qeveria gjermane planifikon të porosisë më shumë se 600 sisteme mbrojtëse ajrore me rreze të shkurtër veprimi Skyranger 30 nga Rheinmetall, para fundit të vitit, raportoi të premten gazeta Handelsblatt, duke cituar burime nga ministria e mbrojtjes dhe industria.

Dhe kontrata, vlerësohet në më shumë se nëntë miliardë euro (10 miliardë dollarë), raportoi Handelsblatt, shkruajnë mediat e huaja, përcjell KFVA.

Mbrojtja ajrore është vënë në fokus në Evropë mes shqetësimeve në rritje se Rusia mund të jetë pas një numri në rritje të inkursioneve të fundit me dronë në hapësirën ajrore të aleatëve evropianë të Ukrainës – edhe pse Kremlini ka mohuar çdo përfshirje.

“Nuk dua të flas për shifra”, tha një zëdhënës i ministrisë gjermane të mbrojtjes në një konferencë të rregullt për shtyp qeveritare në Berlin të premten, kur u pyet për porosinë.

Ndërkohë, një zëdhënës i Rheinmetall ka thënë se po përgatitej për një rritje të konsiderueshme të prodhimit për shkak të një niveli të lartë interesi për Skyranger nga disa vende kliente.

“Objektivi aktual është të paktën 200 njësi në vit”, citohet të ketë thënë zëdhënësi.

Skyranger është një sistem mbrojtës ajror i lëvizshëm, dhe “kulla dhe topi i tij” mund të montohen në automjete të ndryshme, siç janë automjetet e blinduara me rrota Boxer të përdorura nga Forcat e Armatosura Gjermane, ose Bundeswehr.

Ai mund të vendoset gjithashtu në një automjet të blinduar me zinxhirë siç është tanku Leopard 1.

Sistemi i mbrojtjes ajrore lëvizës Skyranger i gjigantit gjerman të mbrojtjes është zhvilluar posaçërisht për t’u mbrojtur nga objektet që fluturojnë ulët.

Në të kaluarën, Gjermania ishte mbështetur kryesisht në tankun anti-ajror Gepard për mbrojtje ajrore me rreze shumë të shkurtër veprimi deri në tre kilometra, një armë që që atëherë është bërë e famshme në luftën në Ukrainë.

Berlini i hoqi Gepardët e saj nga përdorimi në vitin 2010 për të kursyer para.