kfvanews
Policia e Kosovës është deklaruar lidhur me prezencën e tre arinjve në fshatin Bllacë të Suharekës ku kanë dëmtuar një varrezë, shkruan Gazeta KFVA.
Zëdhënësi i rajonit të Prizrenit Shaqir Bytyqi për Gazetën Metro ka thënë se tre arinj kanë hyrë në pronën e një personi i cili u ka thënë policisë se i kanë dëmtuar rreth 35 koshere bletësh.
Siç njofton Shaqiri prokurori i rastit e ka vlerësuar që policia të mbajë shënim për rastin dhe të ftojë qytetarët të kenë kujdes. Sidomos gjatë lëvizjes në zonat e pyllëzuara apo afër vendbanimeve ku mund të paraqiten kafshë të egra
“Sot, më datë 08.10.2025, pas pranimit të një informacioni, Policia ka ftuar një banor të fshatit Bllacë të Suharekës, i cili ka raportuar se më datë 04.10.2025, dyshohet që tre arinj kanë hyrë në pronën e tij dhe i kanë dëmtuar rreth 35 kosherë bletësh. Sipas deklaratës së qytetarit, para disa ditësh, arinjtë kanë dëmtuar edhe një varrezë në të njëjtin fshat. I njëjti ka shprehur shqetësimin e tij se prania e arinjve mund të paraqesë rrezik edhe për bagëtitë dhe për njerëzit. Pas konsultimit me prokurorin kompetent, është vlerësuar që policia të mbajë shënim për rastin dhe të ftojë qytetarët të kenë kujdes, sidomos gjatë lëvizjes në zonat e pyllëzuara apo afër vendbanimeve ku mund të paraqiten kafshë të egra. Policia e Kosovës mbetet e përkushtuar të monitorojë situatën dhe të bashkëpunojë me institucionet përkatëse për sigurinë e qytetarëve”, tha Bytyqi.
