Kandidati për kryetar të Prishtinës nga Aleanca për Ardhmërinë e Kosovës, Bekë Berisha, ka thyer rekordin e shikueshmërisë në debatin e sontëm në RTV Dukagjin, në emisionin “Debat Plus”.
Përballë analistëve dhe gazetarëve, Berisha prezantoi platformën e tij zgjedhore dhe dha përgjigje të qarta e direkte për të gjitha pyetjet e adresuara. Performanca e tij solli një interesim të jashtëzakonshëm të publikut, duke e bërë këtë debat më të ndjekurin deri më sot në këtë cikël zgjedhor.
Sipas të dhënave të shikueshmërisë, Bekë Berisha arriti të tejkalojë çdo rekord të mëparshëm, duke lënë pas debatet e zhvilluara me kandidatët tjerë si Uran Ismaili, Përparim Rama dhe Hajrullah Çeku.
Ky interes i lartë i publikut është një tregues i qartë se gara për Prishtinën ka marrë një dimension të ri, ku Bekë Berisha po dëshmohet si një prej kandidatëve më të përfolur dhe më të ndjekur nga qytetarët.