by kfvanews
Share
by kfvanews
Share
Gazetari dhe drejtori i Radio Kosovës, Arsim Halili ka njoftuar se e ka fituar rastin ndaj portalit Kallxo.com në Këshillin e Mediave të Shkruara (KMShK).
Halili tha se KMSHK-ja, në një mbledhje të mbajtur të martën, e ka miratuar një ankesë të tij ndaj portalit Kallxo.com.
Drejtori i Radio Kosovës, ankesën për shkrimin me titull “Reagim ndaj fushatës shpifëse për kontratën e vitit 2017 mes BIRN-it dhe RTK-së” e ka deponuar me pretendimin për shkeljen e dy kapitujve të Kodit të Mediave të Shkruara.
Sipas ankesës së Halilit, portali Kallxo.com ka kryer shkelje të kapitujve II dhe IV, të cilat kanë të bëjnë me raportimin e së vërtetës, përkatësisht të drejtën për t’u përgjigjur.
“Pas një ankese zyrtare të paraqitur nga unë, Këshilli i Mediave të Shkruara të Kosovës (KMSHK) ka konstatuar se Kallxo.com ka shkelur kapitullin mbi raportimin e së vërtetës dhe të drejtën për t’u përgjigjur”, tha Halili në një postim në rrjetin social Facebook të mërkurën.
Halili tha se portali i drejtuar nga Jeta Xharra publikoi një shkrim “me pretendime të pabazuara, me shpifje e gjuhë denigruese kundër personalitetit e integritetit tim dhe pa respektuar standardet elementare të gazetarisë”.
“Sot, vendimi i Këshillit vërtetoi qartë: e vërteta dhe etika profesionale janë më të forta se çdo propagandë”, theksoi Halili në postim. “Gazetaria nuk është shpifje e as shpikje rrëfimesh, por paraqitje faktesh, raportim i së vërtetës e mbi të gjitha është përgjegjësi ndaj Publikut”.
Në gusht të këtij viti, përmes shkrimeve publike, gazetari Arsim Halili u përfshi në një polemikë me BIRN-in rreth marrëveshjeve të shkuara të RTK-së me BIRN-in për transmetim të emisioneve.
Debati për marrëveshjet e RTK-së me BIRN-in u ndez në fillim të gushtit pas publikimit të ish-kryetarit të Sindikatës së Pavarur të RTK-së, Fadil Hoxha, të disa gjetjeve për mënyrën sesi dy emisionet e platformës BIRN ishin larguar nga RTK-ja.
Hoxha, në publikimin e tij, pretendon se largimi i emisioneve të BIRN-it nga RTK-ja më 2021 kishte ndodhur për shkak të ndërhyrjes së grupeve të fuqishme të interesit, të lidhura me një nga biznesmenët më të fuqishëm në vend.
Këtë pretendim e proklamon edhe BIRN-i, i cili në një reagim për media paralajmëroi padi për shpifje ndaj ish-drejtorit të RTK-së, Ngadhnjim Kastrati dhe drejtorit të Radio Kosovës, Arsim Halili.
Në vitin 2021, Arsim Halili ishte shpallur fitues i Çmimit për Guxim Qytetar nga organizata FOL, për shkak të angazhimit të tij në ndalimin e rrënimit pa kontroll të mbetjeve kancerogjene të azbestit në ndërtesat e lagjes Lakrishtë./KFVA/
Një gjuajtje me armë ka ndodhur në Shirokë të Suharekës, mbrëmjen e sotme. Si pasojë e gjuatjes, dyshohet se një person ka mbetur i plagosur. Në videon e publikuar, shihet se njesitet kompetente kanë dalë në vendin e ngjarjes dhe po merren me rastin. IndeksOnline ka kontaktuar me Policinë dhe është në pritje të një
Kryeministri i Shqipërisë, Edi Rama është i pranishëm në duelin që Real Madridi po e zhvillon ndaj Villarrealit në kuadër të kampionatit spanjoll. Pak çaste para se të nis ndeshja, regjia spanjolle fokusoi presidentin Florentino Perez, ku shumë u befasuan kur panë afër tij presidentin e Shqipërisë, Edi Ramën. Rama tani ka reaguar
Kandidati për kryetar të Prishtinës nga Aleanca për Ardhmërinë e Kosovës, Bekë Berisha, ka thyer rekordin e shikueshmërisë në debatin e sontëm në RTV Dukagjin, në emisionin “Debat Plus”. Përballë analistëve dhe gazetarëve, Berisha prezantoi platformën e tij zgjedhore dhe dha përgjigje të qarta e direkte për të gjitha pyetjet e adresuara. Performanca
Një numër i madh protestuesish u mblodhën në qendër të Romës, dita e katërt me radhë e protestave në Itali për shkak të ndalimit nga Izraeli të një flotilje ndërkombëtare që po përpiqej të dërgonte ndihmë humanitare në Gaza dhe ndalimit të aktivistëve. Njerëz që mbanin banderola dhe flamuj palestinezë, duke brohoritur “Palestina
