Është liruar nga ndalimi Behar Kamberi, psikiatri nga Kosova i cili u arrestua të dielën në Tiranë.
Kamberi, dyshohet për përndjekjen e moderatores 28-vjeçare, Albana Bejko.
Ai u arrestua pas një kallëzimi penal të Bejkos kundër psikiatrit 42-vjeçar.
Vendimi për lirimin e Kamberit, është marë nga Prokuroria e Tiranës, raportojnë sot mediat në Shqipëri, transmeton KFVA.
Kamberi dyshohet se e ka ngacmuar me mesazhe në telefon moderatoren.
Disa mesazhe tregojnë një ndjenjë sentimentale që mjeku kosovar ka shfaqur ndaj moderatores sportive.
Mesazhe me tekste si: “…Të dua…dëshiroj të martohem me ty…” apo “…jeni shumë e bukur, dua tju takoj se kam ardhur nga Kosova vetëm për ju…”, janë vlerësuar nga prokuroria e Tiranës si një komunikim krejt normal dhe aspak shqetësues, intimidues, apo kanosës për jetën e moderatores sportive.