Kryesuesi i Kuvendit Komunal të Prishtinës, Fehmi Kupina, është sulmuar në ambientet e komunës pak minuta pas përfundimit të mbledhjes në tentim për votimin e buxhetit për kryeqytetin.
Siç mëson KFVA, Kupina ka pësuar lëndime në kokë dhe është shoqëruar me autoambulancë për të marrë trajtimin e duhur mjekësor.
Kreu i iniciativës Lidhja për Prishtinën dyshohet se është goditur me shishe në kokë nga Sami Salihu, djali i ish-zyrtarit të kësaj komune, Fehim Salihu.
Policia është parë të jetë e pranishme në ambientet e Komunës së Prishtinës, mirëpo Paparaci nuk ka marrë akoma një konfirmim nga ta.
Kupina në të kaluarën ishte pjesë e Lidhjes Demokratike të Kosovës, ndërsa në zgjedhjet e 12 tetorit garon me iniciativën Lidhja për Prishtinën.