Një aeroplan ushtarak spanjoll me një ministre të Mbrojtjes në bord pësoi, një “defekt” në GPS ndërsa ishte në rrugë për në Lituani, sipas zyrtarëve spanjollë.

Aeroplani ushtarak po fluturonte pranë enklavës së Kaliningradit të Rusisë të mërkurën në mëngjes, kur raportohet se ka ndodhur incidenti.

Margarita Robles ishte ministrja që thuhet se ishte në fluturim, sipas zyrtarëve spanjollë.

Ajo duhej të zhvillonte një takim dypalësh me homologun e saj lituanez Dovile Sakaliene gjatë një vizite në bazën ajrore Siauliai të mërkurën, sipas agjendës së qeverisë spanjolle.

Aeroplani mbante gjithashtu të afërm të pilotëve spanjollë, që formojnë pjesë të misionit të ri të mbrojtjes ajrore të NATO-s në krahun lindor të Evropës, raporton Telegrafi, transmeton KFVA.

Aeroplani u nis në fillim të këtij muaji, pasi Polonia rrëzoi dronë që kishin shkelur hapësirën e saj ajrore.

Kontingjenti spanjoll javën e kaluar interceptoi tetë aeroplanë rusë që operonin mbi Detin Baltik, shtoi ministria e Mbrojtjes e Spanjës në një deklaratë.

Një komandant në bordin e aeroplanit spanjoll tha se incidente të tilla janë të zakonshme kur fluturojnë pranë Kaliningradit, si për aeroplanë civilë ashtu edhe për ushtarakë.

Robles, 68 vjeçe, ka qenë ministre e Mbrojtjes e Spanjës që nga viti 2018.

Në qershor, ajo tha se Spanja ishte “absolutisht e përkushtuar” ndaj NATO-s dhe Bashkimit Evropian.

Më pas, në gusht, ministrja tha se Spanja do të punonte për të “gjallëruar” projektin e aeroplanëve luftarakë evropianë, të njohur si FCAS.

Kjo ndodhi pasi Spanja zbuloi se nuk po e shqyrtonte më mundësinë e blerjes së aeroplanëve luftarakë F-35 të prodhuar në SHBA, dhe do t’i ripërqendronte shpenzimet e saj të mbrojtjes në blerjen e pajisjeve të prodhuara në Evropë.