kfvanews
Rusia ka lëshuar mbi Poloni dronët të cilët po i përdorte për të sulmuar Ukrainen. Një gjest i tillë nxiti reagime të shumta, ku me këtë rast Polonia aktivizoi nenin 4 të NATO’s, shkruan Gazeta KFVA.
Gjatë javës së kaluar pas një sulmi me dronë rusë që ranë në territorin polak gjatë natës, Polonia është vënë në alarm dhe menjëherë ka mbledhur urgjentisht këshillin e sigurisë për të diskutuar hapat tutje.
Ndërkaq tani Avionët luftarakë britanikë i janë dal në mbrojtje qiellit polak.
Dy avionë luftarakë britanikë kanë kryer misionin e tyre të parë mbrojtës mbi Poloni pas një ndërhyrjeje të dronëve rusë në qiellin e vendit.
Fluturimi ishte pjesë e operacionit të NATO-s “Roja Lindore”, i nisur për të forcuar krahun lindor të Evropës.
Jo vetëm kaq. Një dron rus u kap duke fluturuar mbi Rumani disa ditë më vonë, ndërsa tre avionë luftarakë rusë hynë në hapësirën ajrore të Estonisë pa leje për 12 minuta të premten.
Të tre ndërhyrjet në hapësirën ajrore të NATO-s nxitën shqetësime në lidhje me zgjerimin e mundshëm të luftës trevjeçare të Rusisë në Ukrainë dhe janë parë si një përpjekje nga Moska për të testuar përgjigjen e aleancës ushtarake.
Incidenti mbi Poloninë e shtyu kryeministrin e saj, Donald Tusk, të paralajmëronte se vendi i tij ishte më afër “konfliktit të hapur” që kishte qenë që nga Lufta e Dytë Botërore, ndërsa Mbretëria e Bashkuar njoftoi se do t’i ofronte Varshavës mbulim shtesë ajror./
