SHBA-ja të premten e kaluar pezulloi dialogun strategjik me Kosovën për shkak të veprimeve destabilizuese të Albin Kurtit dhe qeverisë në detyrë, duke mos përjashtuar edhe masa të tjera në vazhdim. Por, sipas kreut të VV-së, marrëdhëniet s’janë prishur, shkruan Gazeta KFVA.

Edhe pse SHBA-ja përmes shefes së ambasadës, Anu Prattipati, kishte dhënë paralajmërime të shumta për veprimet e Kurtit në raport me Gjykatën Kushtetuese dhe komunitetin serb në Kosovë, asgjë nuk ndryshoi.

Por, edhe pas erdhi shuplaka diplomatike nga Washingtoni, Kurti sërish pretendon se asgjë e madhe s’ka ndodhur dhe marrëdhëniet gjoja s’janë prishur.

“Sa i përket njoftimit nga ambasada amerikane javën e kaluar, se pari duam të qartësojmë për qytetarët tanë se bëhet fjalë për pezullimin e planifikimit për dialog strategjik, jo të dialogut strategjik si proces të nisur e as të komunikimit të rregullt që ne e kemi. Nuk jemi prishur me Armiken, por kemi disa dallime”, tha kryeministri në detyrë, i njohur për lojërat e shumta me fjalë.

Dallimet me SHBA-në, për çudi, Kurti i kishte pasur që nga fillimi, e me dy administrata të ndryshme amerikane. Për këto pretendime, edhe ish-ambasadori amerikan, Jeffrey Hovenier, e dha një goditje realiteti nga Amerika.

“Disa po thonë se Albin Kurti dhe Qeveria e Kosovës ende kanë marrëdhënie të mira me SHBA-në, por kjo, thjesht, s’është e vërtetë”, u shpreh Hovenier më herët këtë javë në një intervistë për shtyp.

Përpjekjet e Kurtit për të hedhur hi syve më nuk po duket se kanë efekt. Tashmë është e qartë se SHBA-ja nuk bashkëpunon me të dhe është në gjendje edhe ta sanksionojë Kosovën për shkak të tij./KFVA/