James Rubin gjatë dëshmisë së tij në Hagë ka thënë se nënshkrimi i marrëveshjes së Rambujesë ishte çështje e rëndësishme.

Ai tha se nënshkrimi për popullin e Kosovës do të thoshte mbështetje të NATO-s.

“Për popullin e Kosovës nënshkrimi do të thoshte mbështetje të NATO-së dhe forcave të NATO-s, mos nënshkrimi ishte që të ngeleshin vetëm”, tha Rubin.

“Nga delegacioni kosovar kërkoheshin siguri që do jepeshin nga NATO, që të vazhdonte më tej me premtimin për të përdorur forcën ushtarake nëse serbët vazhdonin me shtypjen e tyre, nëse qeveria serbe nuk nënshkruante, atëherë kërkonin siguri, që nëse tjerët nuk nënshkruanin NATO të përdorte forcën. Ata kërkonin për sigurinë që ne do t’u jepnim atyre. Kur bëhej fjalë për vullnetin e popullit”, tha Rubin në Hagë.