Ndërsa Prishtina vazhdon të mbulohet nga mbeturinat dhe qytetarët përballen me një krizë të pastrimit që zgjat katër vjet, kryeshefi i kompanisë regjionale së pastrimit, Petrit Reqica, duket se ka prioritete krejt të tjera. Ai është duke lobuar intensivisht për të siguruar rehati politike për bashkëshorten e tij, Fjolla Vukshinaj Reçica, e cila ndodhet në vendin e 30-të në listën e PDK-së për Asamblenë Komunale nën Uran Ismajlin.

Qytetarët përballen me deponi të hapura, erë të rëndë dhe rrugë të papastruara, ndërsa Reqica përdor pozicionin e tij publik për të avancuar interesat personale. Ky konflikt interesi ngre pyetje të forta mbi etikën dhe përgjegjësinë e zyrtarëve publikë: si mund të mbetet qyteti i pastër kur drejtuesi i kompanisë së pastrimit është i zënë duke punuar për vendin politik të gruas së tij?

Kolapsi i Prishtinës nuk është thjesht një problem urbanistik është një paralajmërim i qartë se politika dhe interesi familjar po vendosin pengesa për qytetarët, ndërsa lobimi për pozita politike duket të jetë prioriteti i vërtetë i Reqicës.