kfvanews
Një ngjarje si në filma ka ndodhur mbrëmjen e 2 shtatorit në Kaçanik.
Një person dyshohet se është larguar në drejtim të panjohur në territorin e Maqedonisë së Veriut pasi arriti t’i shmangej Policisë së Kosovës.
I dyshuari po drejtonte një automjet, i cili dyshohej se po përdorej për kontrabandë, dhe pasi vërejti se pas tij janë vënë njësitet e Policisë së Kosovës i njëjti goditi makinën e policisë.
Të lënduar nga goditja e tij mbetën tre policë, ndërkaq i dyshuari arriti të ikë drejtë Maqedonisë së Veriut.
Automjeti me mall të kontrabanduar thuhet se është konfiskuar dhe mbetet t’i dorëzohet Doganës së R. Kosovës
“Policia e Kosovës, njësiti i Task Forcës DRK-Lindje, gjatë patrullimit kanë vërejtur një kombi pa targa që dyshohet për kontrabandë dha gjatë ndjekjes i dyshuari mashkull kosovar drejtues i mjetit duke mos u ndalur ka goditur veturën zyrtare të PK-së ku si pasojë lëndime trupore kanë pranuar tre zyrtarë policorë që gjendeshin në automjet të cilët kanë pranuar trajtim mjekësor. I dyshuari ka braktisur automjetin dhe është larguar në drejtim të panjohur në territorin e R. Maqedoni Veri ndërsa automjeti me mall të kontrabanduar është konfiskuar dhe mbetet t’i dorëzohet Doganës së R. Kosovës. Rasti po hetohet nga ekipet relevante”, thuhet në raportin 24-orësh të Policisë së Kosovës.
