Në një kohë kur politika shpesh shihet si terren i lodhur, i konsumuar dhe i mbushur me premtime të pambajtura, shfaqet një emër që po thyen klishetë: Iart Bislimi. Jo thjesht si kandidat për Asamblenë Komunale të Prishtinës, por si përfaqësues i një brezi që nuk pranon më të rrijë në heshtje.

Absolvent në Fakultetin e Shkencave Kompjuterike, me përvojë profesionale në KEDS dhe në Kompaninë Rajonale të Mbeturinave, Iarti nuk është një politikan i rastësishëm. Ai e njeh punën, e njeh terrenin, dhe mbi të gjitha e njeh realitetin e të rinjve që shpesh ndihen të përjashtuar nga vendimmarrja. Që nga viti 2022, si Kryetar i Rinisë së AAK-së në Prishtinë, ai ka udhëhequr fushata, aktivitete dhe debate, duke e kthyer rininë në forcë që nuk mund të anashkalohet.

Në listën e Bekë Berishës, Iart Bislimi është më shumë se një kandidat – është një sfidë ndaj apatisë. Ai sjell me vete idenë se politika nuk është pronë e atyre që e kanë kapur për dekada, por një hapësirë që u përket edhe të rinjve, edhe profesionistëve, edhe qytetarëve që duan ndryshim real.

Prishtina sot ka nevojë për njerëz që dinë të bëjnë dallimin mes fjalëve boshe dhe punës së ndershme. Iarti është shembulli i gjeneratës që nuk kërkon privilegje, por përgjegjësi; nuk kërkon pushtet për pushtet, por pushtet për të shërbyer.

Në zgjedhjet që po vijnë, qytetarët do të kenë mundësi të bëjnë dallimin mes së kaluarës që s’ka dhënë shpresë, dhe së ardhmes që Iart Bislimi synon të ndërtojë. Një votë për të nuk është thjesht një zgjedhje politike është një investim në gjeneratën e së nesërmes.