Një faqe e re në TikTok me emrin “Asambleisti” ka nisur një fushatë propaganduese përmes videove të montuara dhe të modifikuara, me qëllim goditjen e kryetarit të Drenasit, Ramiz Lladrovci.

Videot e publikuara shfaqin fragmente të shkëputura nga konteksti, të përpunuara në mënyrë tendencioze, për të krijuar perceptim negativ tek qytetarët. Burime të gazetës bëjnë të ditur se rasti tashmë është lajmëruar edhe në Polici për shpifje dhe sulm ndaj figurës publike të Lladrovcit.

Informacione të brendshme zbulojnë se pas kësaj faqeje qëndrojnë persona të lidhur me familjarët e Demakëve, duke ngritur dyshime për një sulm të organizuar politik e personal.

Fushata në TikTok, që shitet si “zë i qytetarëve”, në fakt po përdoret si mjet manipulimi, duke shpërndarë përmbajtje të rreme dhe të njëanshme kundër një figure të njohur politike.

Ky rast hap sërish debatin mbi shpifjen, manipulimin dhe përdorimin e rrjeteve sociale për linçime publike, ndërsa pritet që organet e rendit dhe drejtësisë të trajtojnë me prioritet denoncimet e bëra.