Presidenti i Rusisë, Vladimir Putin, po kërkon që Ukraina të heqë dorë nga i gjithë rajoni lindor i Donbasit, të heqë dorë nga ambiciet për t’u bashkuar me NATO-n, të mbetet neutrale dhe të mbajë trupat perëndimore jashtë vendit.

Një javë pas samitit SHBA-Rusi, Reuters ka bërë të ditur kornizat e asaj që Kremlini do të donte të shihte në një marrëveshje të mundshme paqeje për t’i dhënë fund luftës tre vjeçare.

Në thelb, sipas burimeve ruse, Putin ka bërë kompromis dhe lëshime mbi kërkesat territoriale që kishte paraqitur një vit më parë e ku kërkonte që Ukraina ti jepte të katërt rajonet që moska I pretendon si pjesë të saj, Dontesk dhe Luhansk në Ukrainën lindore, të cilat përbëjnë Donbasin, plus Kherson dhe Zaporizhzhia në jug.

Në propozimin e tij të ri, presidenti rus i është përmbajtur kërkesës që Ukraina të tërhiqet plotësisht nga pjesët e Donbasit që ende kontrollon dhe në këmbim, Moska do të ndalonte vijat aktuale të frontit në Zaporizhzhia dhe Kherson.

Moska është shprehur gjithashtu e gatshme të dorëzojë pjesë të vogla të rajoneve të Kharkiv, Sumy dhe Dnipropetrovsk të Ukrainës që I kontrollon, si pjesë e një marrëveshjeje të mundshme.

Putini po i përmbahet gjithashtu kërkesave të tij të mëparshme që Ukraina të heqë dorë nga ambiciet e saj për në NATO dhe për një premtim ligjërisht të detyrueshëm nga aleanca ushtarake e udhëhequr nga SHBA-të se nuk do të zgjerohet më tej në lindje, si dhe për kufizime mbi ushtrinë ukrainase dhe një marrëveshje që asnjë trupë perëndimore nuk do të vendoset në terren në Ukrainë si pjesë e një force paqeruajtëse.

Deri tani nuk ka asnjë reagim nga Kievi ndërsa më herët, Zelensky ka hedhur poshtë idenë e tërheqjes nga toka ukrainase dhe ka thënë se rajoni industrial I Donbasit shërben si një fortesë që pengon përparimin rus më thellë në Ukrainë.

Detajet nga kërkesat e putin për ti dhënë fund luftës vijn ë në një kohë që negociatorët po punojnë për organizimin e n jë takimi që do të ulte në tryezë presidentin rus Vladimir Putin dhe atë ukrainas Voodymir Zelenksy.