Në lagjen Ulpiana të Prishtinës ka hapur dyert Ordinanca Logopedike PRIMO, e udhëhequr nga doktoresha Vlera Rexhepi, e specializuar në trajtimin e çrregullimeve të të folurit te fëmijët dhe të rriturit.
Ordinanca po bëhet një adresë e rëndësishme për prindërit që kërkojnë zgjidhje profesionale për fëmijët e tyre me vonesa gjuhësore, vështirësi në shqiptim apo zhvillim të të folurit. Përveç fëmijëve, në këtë ordinancë marrin trajtim edhe të rriturit që përballen me probleme të të folurit pas goditjeve në tru apo sfidave neurologjike.
Doktoresha Rexhepi njihet për qasjen e saj humane dhe metodologjinë bashkëkohore, duke arritur të japë rezultate të prekshme tek pacientët. Sipas saj, ndërhyrja e hershme dhe trajtimi i vazhdueshëm janë kyçe për suksesin e terapisë logopedike.
Me hapjen e ordinancës “PRIMO”, Prishtina fiton një qendër të specializuar që ofron shpresë dhe përkujdesje profesionale për të gjithë ata që përballen me sfida në komunikim.