by kfvanews
Share
by kfvanews
Share
Më 20 gusht skadon afati që Sindikata e Bashkuar e Arsimit i ka vendosur Ministrisë së Arsimit për të nisur dialogun rreth kërkesave të punëtorëve të arsimit. Sindikalistët paralajmërojnë masa të reja, madje edhe grevë, nëse takimet nuk fillojnë. Nga ana tjetër, ministrja e Arsimit, Arbërie Nagavci, thotë se negociatat do të zhvillohen vetëm mbi baza ligjore dhe jo nën presione.
SBASHK-u ka vendosur 20 gushtin si datën e fundit për nisjen e dialogut me Ministrinë e Arsimit. Nëse kjo nuk ndodh, Këshilli Drejtues i sindikatës do të mblidhet për të vendosur për hapat e mëtejshëm, duke mos përjashtuar as grevën.
“SBASHK-u ka mbajtur një kongres të jashtëzakonshëm dhe është marrë vendim që nëse deri më 20 gusht nuk fillon dialogu me Ministrinë e Arsimit, atëherë Këshilli Drejtues do të vendos për veprimet e mëtutjeshme, duke mos përjashtuar as grevën”, tha Vjollca Shala, nënkryetare e SBASHK-ut.
Sipas saj, kërkesat kryesore përfshijnë nënshkrimin e kontratës së re kolektive, ngritjen e vlerës së koeficientit në Ligjin e Pagave, si dhe zbatimin e vendimeve të Gjykatës Kushtetuese për përvojën e punës.
Nga ana tjetër, Ministrja e Arsimit, Arbërie Nagavci, thotë se SBASHK-u po përsërit të njëjtin skenar para çdo fillimi të vitit shkollor dhe se kontratat kolektive të së kaluarës janë nënshkruar në kushte të parregullta.
“Kjo nuk është asgjë e re, ne jemi mësuar për vite tashmë për çdo shtator e veças për rastet kur kemi Qeveri në detyrë ose në kohën e zgjedhjeve, SBASHK-u gjegjësisht kryesia e SBASHK-ut, janë tepër të zëshëm me deklaratat të tilla. Ndërkohë ne e dimë që tri kontratat të fundit kolektive, janë nënshkruar në kohë fushatash apo në kohë të Qeverisë në detyrë e për të cilat nuk janë përfillur as procedurat ligjore e asnuk është bërë regjistrimi I tyre të cilat tashme po krijojnë probleme të shumta në komuna. Ne kemi pasur takime me SBASHK-un do të takohemi përsëri nëse është nevoja, gjithsesi vendimet dhe veprimet tona do të jenë të bazuara në rend dhe ligj e jo në shantazhe e në presione më shumë politike sesa përmbajtjesore.”
Ministrja Nagavci mohon se ka shmangur takimet me sindikatën, por thekson se çdo negociatë duhet të jetë ligjërisht e qëndrueshme. Me vitin e ri shkollor që fillon së shpejti, dilema mbetet nëse nxënësit do të kthehen normalisht në bankat e tyre apo do të përballen me një tjetër grevë në arsim.
Protesta e 7 gushtit në Prishtinë, ku u kërkua lirimi i ish-krerëve të UÇK-së, do të vazhdojë më 14 shtator në Hagë. Protesta do të mbahet me fillim nga ora 14:00. Në njoftim thuhet se protesta organizohet nga mërgata shqiptare dhe mbështetet nga kategoritë e dala nga lufta e UÇK-së. “Më 14 shtator
Gjykatësi i njohur amerikan, Frank Caprio, është ndarë nga jeta në mënyrë paqësore në moshën 88-vjeçare, pas një beteje të gjatë me kancerin e pankreasit. I njohur për humanizmin, përulësinë dhe besimin e tij të palëkundur në mirësinë e njeriut, Gjykatësi Caprio u bë një figurë e dashur jo vetëm në SHBA, por
Policia e Kosovës ka arrestuar një zyrtar të Komunës së Pejës, pasi i njëjti u filmua duke konsumuar lëndë që dyshohet të jenë narkotike dhe me një armë në tavolinë. I dyshuari është Luan Gashi, udhëheqës i Sektorit për Çështje Pronësie në Komunën e Pejës. Arrestimin e zyrtarit e ka konfirmuar Shkodran Nikçi, zëdhënës
Ngritja e çmimeve të shumë produkteve është shqetësim për qytetarët. Edhe evidencat e Agjencisë së Statistikave, krahasuar me periudhën e njëjtë kohore, pasqyrojnë rritje të çmimeve në shumë produkte bazë për jetesë. Ndërkohë, njohës të ekonomisë vënë në pah se për standardin e jetesës në Kosovë, çmimet aktualisht janë të larta, duke paralajmëruar
