Moti në Kosovë gjatë javës së ardhshme pritet të jetë i ndryshueshëm. Instituti Hidrometeorologjik i Kosovës ka njoftuar se parashihen reshje shiu të shoqëruara me vetëtima dhe bubullima.
Parashihet rënie graduale e temperaturave.
Të mërkurën moti do të jetë me diell e vranësira të pakta. Temperaturat minimale do të lëvizin mes 10-13 gradë e maksimalet mes 29-32 gradë.
Të enjten moti do të jetë kryesisht me diell, e të premten moti do të jetë me diell e vranësira të shpërndara.
“Vranësirat në pjesën e dytë të ditës parashihen të dendësohen duke krijuar kushte që vende-vende të shoqërohen me reshje shiu e shkarkime rrufesh”, ka njoftuar IHMK.
Temperaturat minimale do të lëvizin mes 13-17 gradë celsius e maksimalet mes 29-33 gradë./KFVA/