Ministrja e Drejtësisë në detyrë Albulena Haxhiu ka dëbuar nga puna edhe një oficer korrektues, i cili edhe është arrestuar nga Policia e Kosovës, shkruan Gazeta KFVA.

Kështu ka bërë të ditur vetë Haxhiu përmes një postimi në facebook.

“Me këtë rast, numri i zyrtarëve të pezulluar arrin në gjashtë: drejtori i Qendrës, një mbikëqyrës i lartë dhe katër zyrtarë korrektues”, tha Haxhiu.

Gjatë javës së kaluar janë pezulluar nga puna katër zyrtarë, drejtori i Qendrës së Paraburgimit në Mitrovicë, një mbikëqyrës i lartë dhe dy zyrtarë korrektues për shkak se nga Qendra e Paraburgimit në Mitrovicë është arratisur i burgosuri D.R.