by kfvanews
Share
by kfvanews
Share
Ministria e Punëve të Brendshme të Maqedonisë së Veriut ka thënë se është arrestuar një person dhe janë intervistuar disa tjerë lidhur me thirrjet antishqiptare në ndeshjen e basketbollit të zhvilluar të më 2 gusht mes Maqedonisë së Veriut dhe Rumanisë.
“Maqedoni e pastër”, “Shqiptari i mirë është shqiptari i vdekur” dhe “Dhoma e gazit për shqiptarët”, janë disa nga parullat e kënduara nga tifozët vendas, thirrje të lidhura me retorikën naziste të shfarosjes, të bëra në praninë e kryeministrit Hristijan Mickoski, kryetarit të Kumanovës, Maksim Dimitrievski, ministrit të Jashtëm, Panço Toshkovski, dhe zëvendëskryeministrit Ivan Stoilkoviq, në ndeshjen e fundjavës.
I arrestuari S.M. (30) dyshohet se është përpjekur për të sjellë pano me përmbajtje fyese.
“Lidhur me ndeshjen e basketbollit që u zhvillua më 02.08.2025 në Pallatin e Sporteve në Kumanovë, disa të dyshuar tashmë janë thirrur në Departamentin e Policisë së Kumanovës dhe është kryer një intervistë zyrtare, dhe pas analizave të kryera në koordinim me Prokurorinë Publike të Kumanovës, do të merren masa specifike ligjore kundër personave të përfshirë, përfshirë edhe ndjekje penale. Sot, oficerët e Departamentit të Policisë së Kumanovës e privuan nga liria S.M. (30) nga Kumanova, i cili dyshohet se është përpjekur të sjellë një pano me përmbajtje fyese gjatë pushimit mes pjesëlojëve të ndeshjes së basketbollit. Pasi të sqarohet plotësisht rasti, kundër tij do të ngrihet një padi përkatëse”, thuhet në njoftimin e Ministrisë së Punëve të Brendshme të Maqedonisë së Veriut.
Ministria ka thënë se policia do të jetë jashtëzakonisht rigoroze ndaj çdo shkeljeje të rendit dhe qetësisë publike, veçanërisht çdo thirrjeje ofenduese të bazuar në përkatësi kombëtare, etnike ose fetare.
“Kjo do të sanksionohet në mënyrën më të ashpër, pa asnjë tolerancë. Vetëm brohoritjet dhe brohoritjet e ndershme sportive mund të na sjellin sukses, fitore dhe gëzim sportiv”, thuhet nga Ministria e Brendshme e Maqedonisë së Veriut.
Udhëheqësit e tifo grupit “Kumani” mohojnë fajësinël, ka njoftuar “Alsat M”. Në mesin e të intervistuarve kanë qenë disa pjesëtarë të grupit.
Samiti i Procesit të Berlinit do të mbahet sivjet në Londër, gjatë muajit tetor. Sipas njoftimit të Ambasadës së Mbretërisë së Bashkuar në Kosovë, Kosova ka konfirmuar pjesëmarrjen në këtë samit. Emisarja e Britanisë, Karen Pierce ka thënë se pret që të takojë përfaqësuesit e Kosovës në takimet në kuadër të këtij samiti.
Emisarja e Mbretërisë së Bashkuar për Ballkanin Perëndimor, Dame Karen Pierce, ka zhvilluar një bisedë telefonike me Kryeministrin në detyrë, Albin Kurtin. Në njoftimin e lëshuar nga Ambasada e Britanisë thuhet se ajo ka shprehur shqetësim lidhur me tensionet e fundit ndërmjet Kosovës dhe Serbisë, teksa ka paralajmëruar telefonatë edhe me Presidentin e
Presidentja Vjosa Osmani nuk ka treguar nëse do të marrë pjesë në protestën e 7 gushtit, e organizuar nga OVL e UÇK’së, në përkrahje të ish-krerëve të UÇK’së, që po gjykohen në Hagë. E pyetur specifikisht për këtë çështje gjatë konferencës për media, Osmani vetëm tha se duhet të gjithë t’i bashkojmë forcat
Faton Klinaku, ish-kryetar i OVL-UÇK, ka reaguar pasi në media është publikuar aktakuza për kanosje ndaj kryeministrit në detyrë, Albin Kurtit. Klinaku është fokusuar tek deklarata e Kurtit para organeve të rendit, ku ka thënë se beson që prokuroria do t’i trajtojë rastet e kërcënimit. “Çfarë dyfytyrëshi është more ky, herë i beson
