Kanadaja do ta njohë shtetin palestinez në muajin shtator, ka deklaruar Kryeministri kanadez Mark Carney për gazetarët të mërkurën.

Pak orë pasi pasi Kanadaja bëri këtë njoftim, Presidenti i SHBA-së Donald Trump reagoi në rrjetin e tij social, Truth Social:

“Wow! Kanadaja sapo ka njoftuar se po mbështet shtetësinë për Palestinën. Kjo do ta bëjë shumë të vështirë për ne të bëjmë një marrëveshje tregtare me ta. Oh Kanada!!!”, ka shkruar Trump.

Paralajmërimi i tij për Kanadanë vjen disa orë para se tarifat e tij të “Ditës së Çlirimit” të hyjnë në fuqi për vendet që nuk kanë arritur marrëveshje tregtare me SHBA-në.

Vende duke përfshirë Mbretërinë e Bashkuar, Korenë e Jugut dhe Japoninë, si dhe BE-në, kanë arritur së fundmi marrëveshje tregtare – kështu që ato do të kenë tarifa specifike për mallrat që u shesin SHBA-ve.

Por vendet e tjera – duke përfshirë Kinën dhe Meksikën – ende nuk kanë arritur marrëveshje. Trump ka qenë i qartë se marrëveshjet duhet të arrihen para 1 gushtit, përndryshe do të aplikohen taksa më të larta.