by kfvanews
Share
by kfvanews
Share

Një tërmet i fuqishëm me magnitudë 8.8 ballë ka goditur Gadishullin Kamchatka në Lindjen e Largët të Rusisë, duke shkaktuar një cunami deri në katër metra të lartë, duke dëmtuar ndërtesat dhe duke shkaktuar alarme dhe evakuime në të gjithë Oqeanin Paqësor.
Disa persona u lënduan në rajonin e largët rus, dhe banorëve të pjesës më të madhe të bregdetit lindor të Japonisë, i cili u godit rëndë nga tërmeti dhe cunami i vitit 2011, iu urdhërua të evakuoheshin. “Tërmeti i sotëm ishte serioz dhe më i forti në dhjetë vitet e fundit”, tha guvernatori i Kamchatka në Telegram.
Shteti i Havait, pjesë të Ishujve Aleutian të Alaskës dhe një pjesë e Kalifornisë Veriore janë aktualisht nën paralajmërim për cunami – alarmi më i rëndë – ndërsa pjesa tjetër e Bregut Perëndimor të SHBA-së është nën një paralajmërim për cunami më pak të rëndë.
Valët e para të cunamit kanë goditur tashmë Alaskën dhe valët po fillojnë të godasin Havain tani, transmeton gazeta online Reporteri.net.
Pjesa tjetër e shteteve perëndimore të SHBA-së po përgatitet për ndikimin me valë që priten në orët në vijim.
Valët e cunamit po godasin tani shtetin e Havait. Nevojiten veprime urgjente për të mbrojtur jetët dhe pronën, tha Qendra e Paralajmërimit për Cunam në Paqësor (PTWC).
Më parë është raportuar se bregu i Hawaiit po tërhiqet, duke treguar se valët e cunamit po afrohen. Sipas një raporti nga Brandon Miller i CNN, imazhet u kapën nga kamerat e internetit që transmetojnë drejtpërdrejt nga ishulli.
Kamera të shumta në ishujt Kauai dhe Oahu, ku ndodhet kryeqyteti Honolulu, kanë regjistruar një rënie të ndjeshme të niveleve të ujit gjatë orës së fundit. Një tërheqje e tillë është një shenjë karakteristike dhe e njohur që i paraprin ndikimit të valëve të mëdha të cunamit. Është një fenomen ku oqeani tërhiqet fillimisht larg bregdetit përpara se të mbërrijë vala./
Të Enjten në Kosovë pritet të mbajë mot me diell dhe vranësira të shpeshta të cilat në disa zona mund të kushtëzojnë riga dhe rrebeshe lokale shiu kryesisht në viset malore, veçanërisht në jug dhe lindje të vendit. Temperaturat nuk do të ndryshojnë shumë dhe ajo maksimale pritet të arrijë deri në 27
Një ngjarje tragjike ka ndodhur sot në mesditë në qytetin e Prizrenit, ku një 40-vjeçar ka humbur jetën pasi ka rënë nga kulmi i një ndërtese gjatë punës. Gazeta ka mësuar identitetin e personit që humbi jetën tragjikisht sot në Prizren, pasi ra nga kulmi i një ndërtese ku ishte duke punuar në
Tërmeti me magnitudë 8.7 ballë që goditi në brigjet lindore të Rusisë ka ndodhur në një rajon të njohur si një ‘thyerje e madhe shtytëse’, ku pllaka më e dendur e Paqësorit rrëshqet nën pllakën më të lehtë të Amerikës së Veriut, shpjegojnë shkencëtarët. Lëvizjet e vazhdueshme të pllakës së Paqësorit e bëjnë
Një ish-deputet gjerman u dënua sot nga një gjykatë në Mynih me nëntë muaj burg me kusht për përfshirjen e tij në një rast korrupsioni në Këshillin e Evropës, i njohur ndryshe si skandali “Caviargate”. Bëhet fjalë për Eduard Lindner, 80 vjeç, ish-anëtar i Asamblesë Parlamentare të Këshillit të Evropës (PACE), i cili