kfvanews
Qielli i Kievit është mbuluar nga dronët rus. Moska nisi një breshëri të re dronësh dhe raketash në Ukrainë në një sulm gjatë natës të hënën, duke vrarë të paktën një person dhe duke shkaktuar dëme të shumta në kryeqytetin Kiev.
Kryebashkiaku i Kievit, Vitali Klitschko, tha se ekipet e shpëtimit dhe mjekët po punonin në vende në katër lagje të kryeqytetit, shkruan A2 CNN. Një stacion metroje në qendër të Kievit, prona tregtare, dyqane, shtëpi dhe një kopsht fëmijësh u dëmtuan, thanë zyrtarët e qytetit.
Në një tjetër natë të tensionuar dhe pa gjumë për banorët e Kievit, pasi shumë prej tyre nxituan të strehoheshin në stacionet nëntokësore. Shpërthime u dëgjuan në të gjithë qytetin, ndërsa njësitë e mbrojtjes ajrore u angazhuan në sprapsjen e sulmit.
Oleh Synehubov, guvernatori i rajonit të Kharkiv, raportoi shpërthime të shumta në Kharkiv, qyteti i dytë më i madh i vendit, por nuk dha detaje të menjëhershme mbi dëmet.
Saka, edhe Ukraina ka goditur Rusinë. Sulmet e mëdha me dronë ukrainas ndaj Rusisë shkaktuan kaos në aeroportet kryesore që i shërbejnë Moskës të hënën, me mijëra pasagjerë që prisnin në radhë ose flinin në dysheme pasi fluturimet u anuluan ose u vonuan, raportuan mediat ruse.
Ministria e mbrojtjes e Rusisë tha se kishte rrëzuar 117 dronë gjatë natës, përfshirë 30 mbi rajonin e Moskës, pasi rrëzoi 172 dronë, përfshirë 30 mbi rajonin e Moskës, një ditë më parë.
Autoriteti i aviacionit civil rus, Rosaviatsiya, vendosi shkurtimisht kufizime në fluturimet gjatë natës në aeroportet kryesore të Moskës – Sheremetyevo, Vnukovo, Domodedovo dhe Zhukovskiy.
Disa mijëra njerëz mbetën të bllokuar në lindjen e largët të Rusisë për shkak të anulimit të fluturimeve në Rusinë Evropiane, ndërsa trena shtesë u vunë në lëvizje për të sjellë pasagjerët përsëri në Moskë nga qyteti verior rus i Shën Petersburgut, thanë mediat ruse.
