Edhe pse kanë kaluar tre muaj që nga pamundësia për ta konstituar Kuvendin, ende nuk është arritur një konsensus midis partive politike për zgjedhjen e kryetarit të ri.
Këtë e pohon edhe deputeti i Lëvizjes Vetëvendosje, Halil Thaçi, në një intervistë për RTV21. Sipas tij, VV është e gatshme për një marrëveshje kompromisi me Nismën Socialdemokrate, nëse kjo e fundit tregon gatishmëri.
“LVV-ja, bashkë me listën Guxo dhe Alternativën, jemi të gatshëm për kompromis me Nismën, që do të ishte i mirëpritur nga grupi ynë, në mënyrë që ky bashkëpunim të ndodhë dhe të dalim nga kjo krizë që e ka kapluar vendin. Nesër nuk pritet ndonjë zhvillim i ri për konstituimin e Kuvendit, por përpjekjet tona nuk do të ndalen. Unë i bëj thirrje kolegëve të mi që të reflektojnë”, tha ai.
Nesër me fillim nga ora 11:00 është tentimi i 48 për konstituimin e Kuvendit, ndërsa kanë mbetur edhe 10 ditë nga përfundimi i afatit që Gjykata Kushtetuese u ka dhënë partive politike për konstituim.