Presidenti i SHBA-së, Donald Trump, ka deklaruar se do të vendosë një tarifë prej 35% për mallrat kanadeze duke filluar nga 1 gushti, edhe pse të dy vendet janë vetëm disa ditë larg nga një afat i vetëvendosur për të arritur një marrëveshje të re tregtare.

Kjo deklaratë erdhi ndërkohë që Trump gjithashtu kërcënoi me tarifa të përgjithshme prej 15% ose 20% për shumicën e partnerëve tregtarë, dhe tha se së shpejti do ta njoftojë Bashkimin Evropian për një normë të re tarifore mbi mallrat e tij, njofton BBC, transmeton KFVA.

Trump njoftoi tarifat e fundit ndaj Kanadasë të enjten në një letër të postuar në rrjetet sociale dhe të adresuar për Kryeministrin Mark Carney.

SHBA tashmë ka vendosur një tarifë të përgjithshme prej 25% mbi disa mallra kanadeze, dhe vendi është duke ndier pasojat e tarifave globale të administratës Trump për çelikun, aluminin dhe automjetet.