kfvanews
Një aksident me fatalitet ka ndodhur mëngjesin e sotëm në magjistralen Suharekë – Shtime.
Policia njofton se në aksident është përfshirë një motoçikletë me një çift. Sipas informatave, një qen endacak u ka dalë në rrugë, çka ka bërë që drejtuesi të humbë kontrollin. Si pasojë e aksidentit, pasagjerja ka ndërruar jetë në vend.
“Sot rreth orës 06:57 Policia e Kosovës ka pranuar informatën se në magjistralen Suharekë – Shtime, tek vendi i quajtur Qafa e Duhlës ka ndodhur një aksident trafiku ku është i përfshirë një motoçikletë. Sipas informacioneve fillestare një çift shtetas Maqedonas (A.S. 1979 – mashkull dhe D.M. 1985 – femër), deri sa ishin duke udhëtuar me një motoçikletë nga qyteti i Shtimes në drejtim të qytetit të Suharekës, tek vendi i quajtur Qafa e Duhles një qenë endacak u del në rrugë, me ç’rast drejtuesi i motorit ka humb kontrollin e motorit dhe janë përplasur. Si pasojë e përplasjes së motorit, pasagjerja D.M. 1985 (femër) ka mbetur e vdekur në vendin e ngjarjes deri sa drejtuesi i motorit A.S. 1979 ka mbetur i lënduar”, ka njoftuar policia.
Policia e Kosovës së bashku me emergjencën me të pranuar informacionin ka dal në vendin e ngjarjes, ku mjeku ka konfirmuar vdekjen e viktimës deri sa i është dhënë ndihma mjekësore të lënduarit.
Të gjitha veprimet policore janë duke u ndërmarr konform procedurave atë parapara me ligj.
“Prokurori i shtetit është informuar lidhur me rastin. Me vendim të Prokurorit, trupi i pajetë i viktimës dërgohet në Institutin e Mjekësisë Ligjore për autopsi”, thuhet në njoftim.
Po ashtu, policia shton se hetimet lidhur me rastin janë duke vazhduar, ndërsa njofton se magjistralja Suharekë – Shtime është e qarkullueshme për lëvizjen e qytetarëve
