by kfvanews
Share
by kfvanews
Share
Pak para nisjes së seancës konstituive, Organizata e Veteranëve të Luftës së UÇK-së ka reaguar ndaj bllokadës në Kuvend dhe deklaratave të kryeministrit në dorëheqje, Albin Kurti, për ish-krerët e UÇK-së që po gjykohen në Hagë.
Sipas Kurtit, Hashim Thaçi dhe Kadri Veseli, vazhdojnë të japin direktiva për zhvillimet politike në Kosovë përmes vizitave që zyrtarët e PDK-së zhvillojnë atje.
Për këtë deklaratë, OVL e UÇK-së tha se s’do të heshtin, ndërsa Kurtin e akuzoi për “tradhti morale”.
“Dënojmë ashpër deklaratën e fundit të ish-Kryeministrit Albin Kurti, i cili në mënyrë të turpshme dhe të papërgjegjshme ka sulmuar publikisht ish-krerët e UÇK-së, Hashim Thaçin dhe Kadri Veselin, duke pretenduar se ata po japin “instruksione politike nga burgu”. Ky qëndrim është jo vetëm i neveritshëm politikisht, por edhe i rrezikshëm në aspektin ligjor dhe moral. Albin Kurti, në vend që të mbrojë qytetarët e vendit të vet nga padrejtësitë ndërkombëtare, zgjodhi t’u bashkohet akuzave që fabrikohen kundër luftës tonë të shenjtë për liri. Kjo është një tradhti morale ndaj të kaluarës dhe të ardhmes së Kosovës”, thuhet në reagimin e organizatës.
“OVL UÇK nuk do të heshtë përballë këtyre zhvillimeve të rrezikshme. Ne do të qëndrojmë fuqishëm në mbrojtje të vlerave të luftës, të drejtës së popullit tonë për liri dhe dinjitet, dhe të çdo luftëtari që sot padrejtësisht mbahet larg vendit për të mbajtur gjallë skenarë të turpshëm politikë”.
Po ashtu, OVL tha se denoncojnë institucionale të krijuar nga një bllokadë politike “e pajustifikueshme dhe arrogante”.
“Është e papranueshme që në kohën kur qytetarët e Kosovës përballen me pasiguri, varfëri dhe kërcënime të jashtme, partitë politike, e posaçërisht partia fituese, të luajnë me fatin e shtetit vetëm për interesa të pushtetit. Kjo sjellje është turpëruese dhe e dëmshme për demokracinë. Luftëtarët e UÇK-së nuk dhanë gjakun për një Kosovë të bllokuar, as për politikë të verbër e destruktive”.
OVL e UÇK-së tha se këto dy “çështje madhore që po e dëmtojnë rendin demokratik, unitetin shtetëror dhe dinjitetin e luftës sonë çlirimtare” i trajtoi “me shqetësim të thellë” më 4 korrik 2025, në mbledhjen e saj të rregullt
Instituti i Kosovës për Drejtësi (IKD) përmes një komunikate për medie ka vënë në pah faktin se moskonstituimi i Kuvendit rrezikon bllokimin e institucioneve të pavarura. IKD thekson se shumë institucione kanë mbetur pa anëtarë që nga Legjislatura e kaluar, e që ky mos-efikasitet është bartur edhe në Legjislaturën IX, që si pasojë
Ka dështuar për herën e 43-të seanca në përpjekje për të konstituuar Kuvendin e Kosovës, shkruan Gazeta dhe Agjencia e lajmeve KFVA. Nga 99 deputetë sa ishin në sallë, vetëm 55 deputetë votuan për komisionin e propozuar nga Lëvizja Vetëvendosje për votim të fshehtë për zgjedhjen e kryetarit të Kuvendit. Pasi Albulena Haxhiu
Policia e Shtetit ka intensifikuar kontrollet dhe masat e zbatimit të planit të posaçëm për sezonin turistik veror 2025, me fokus në garantimin e sigurisë publike dhe lirimin e hapësirave publike të zëna në mënyrë të kundërligjshme. “Prej 2 javësh, strukturat e Policisë së Shtetit janë të angazhuara në zbatim të planit të
Aleanca Kosovare e Bizneseve ka reaguar për “kërcënimin serioz” që po i bëhet prodhimit vendore nga produktet serbe, shkruan KFVA. Përmes një njoftimi në Facebook, AKB ka thënë se gjatë muajve të fundit imoprtet nga Serbia janë rritur në mënyrë alarmante për mbi 118% dhe sipas tyre kjo ka ardhur pas vendimit të
