by kfvanews
Share
by kfvanews
Share
Policia e Kosovës ka dalë me një apel dhe një paralajmërim për qytetarët që të kenë kujdes të mos shkaktojnë zjarre në mes të temperaturave të larta aktualisht.
Policia rajonale e Ferizajt tha se gjatë javës janë raportuar disa raste të zjarreve, përfshirë vende në komunën e Ferizajt, Shtimes dhe Hani Elezit. Megjithatë, policia tha se aktualisht nuk ka asnjë vatër aktive të zjarrit në rajonin e Ferizajt.
“Policia Rajonale e Ferizajt ka ndërmarrë të gjitha masat e nevojshme dhe ka angazhuar personel të mjaftueshëm për menaxhimin dhe trajtimin e rasteve të zjarreve në gjithë territorin e rajonit të Ferizajt. Për këtë arsye, policia është duke bashkëpunuar ngushtë me institucionet lokale dhe agjencitë përgjegjëse për të parandaluar dhe lokalizuar çdo rrezik potencial nga zjarret. Megjithatë, policia apelon tek qytetarët që të tregojnë kujdes të shtuar, veçanërisht gjatë ditëve me temperatura të larta dhe erëra të thata, duke shmangur në çdo rrethanë djegien e mbeturinave, hapësirave fushore apo pyjore. Pasojat e zjarreve mund të jenë të rënda, të pakthyeshme dhe me rrezik për jetën, mjedisin dhe pronën”.
Policia paralajmëroi se do të jetë e pakompromis ndaj çdokujt që shkakton zjarre, qoftë me qëllim, qoftë nga pakujdesia.
“Policia do të veprojë pa kompromis ndaj çdo personi që, me dashje apo nga pakujdesia, shkakton zjarr. Të gjithë personat që kryejnë zjarrvënie të qëllimshme ose për shkak të neglizhencës, do të përballen me masa ligjore dhe procedura penale sipas legjislacionit në fuqi”.
Policia iu ka bërë thirrje qytetarëve që të njoftojnë menjëherë në rast se kanë informacione për persona që shkaktojnë zjarrvënie.
“Ftojmë qytetarët që të bashkëpunojnë me policinë dhe në rast se kanë informacione për persona që shkaktojnë zjarrvënie, të njoftojnë menjëherë policinë në stacionin më të afërt, ose përmes aplikacionit digjital “Lajmëro Policinë””.
📞 Numrat për raportim:
192
0290 / 326 – 250
0290 / 322 – 406
“Policia e Rajonale e Ferizajt garanton se të gjitha informatat do të trajtohen me konfidencialitet të plotë. Së bashku mund ta mbrojmë ambientin, shëndetin dhe sigurinë tonë!”.
Presidenti amerikan, Donald Trump, ka deklaruar se SHBA-ja do të vendosë tarifa të reja dhe të ndjeshme ndaj disa vendeve partnere në tregti, duke filluar nga 1 gushti. Tarifat pritet të arrijnë deri në 70për qind, çka ka shkaktuar shqetësim në tregjet globale dhe ka ngritur pikëpyetje mbi qëndrueshmërinë e marrëdhënieve tregtare ndërkombëtare
Një shekull pas fluturimit të parë të një avioni me trup dhe krah të bashkuar, një përpjekje që përfundoi asokohe me përplasje, ky koncept revolucionar po rikthehet fuqishëm në skenën e aviacionit. Kompani si Airbus, Boeing, Bombardier dhe start-upe të shumta janë duke eksperimentuar me dizajnin aerodinamik të njohur si “blended-wing body” (BWB),
Një studim i kohëve të fundit i udhëhequr nga NASA ka zbuluar një lidhje të habitshme midis fushës magnetike të Tokës dhe niveleve të oksigjenit që mbështesin jetën. Sipas hulumtimit të ri, zbaticat dhe zbaticat e fushës magnetike të Tokës gjatë 540 milionë viteve të fundit janë përafruar me luhatjet e oksigjenit atmosferik.
Presidentja e vendit, Vjosa Osmani, në përvjetorin e 249-të të Pavarësisë së ShBA-së, ka thënë se sot, edhe Kosova feston krah për krah me Amerikën, aleatin më të madh të saj. Osmani tha se ShBA qëndroi pranë Kosovën në orët e saj më të vështira dhe vazhdon të qëndrojë e palëkundur me të
