Presidentja e vendit, Vjosa Osmani, në përvjetorin e 249-të të Pavarësisë së ShBA-së, ka thënë se sot, edhe Kosova feston krah për krah me Amerikën, aleatin më të madh të saj.

Osmani tha se ShBA qëndroi pranë Kosovën në orët e saj më të vështira dhe vazhdon të qëndrojë e palëkundur me të edhe sot.

“Faleminderit Ambasadës Amerikane për organizimin e festës së veçantë në nder të Ditës së Pavarësisë së SHBA-ve këtë javë”, shkroi Osmani.

E para e shtetit i uroi Shtetet e Bashkuara të Amerikës duke u shprehur “nga populli më pro-amerikan në botë – gëzuar 4 Korrikun”./KFVA/