Një variant i ri i Covid që tashmë po zëvendëson Nimbus po përhapet gjithnjë e më shumë në Europë. Xfg, i riemëruar Stratus nga ekspertët dhe i konsideruar më i aftë për të shmangur antitrupat, po monitorohet me kujdes nga OBSH-ja. Ai do të qarkullojë gjatë verës dhe midis simptomave të raportuara, bie në sy ngjirja e zërit.

Stratus mund të jetë në gjendje të shmangë sistemin imunitar në mënyrë më efektive sesa variantet e tjera.

Në Indi Stratus ishte varianti dominues i pranverës. Sipas mediave lokale, mjekët indianë kanë nxjerrë në pah një simptomë që duket se e karakterizon më shumë atë: ngjirjen e zërit. Ndryshe nga valët e kaluara në të cilat humbja e shijes dhe e nuhatjes ishin shenjat dalluese të infeksionit, pacientët tani ankohen për kollë të thatë, acarim dhe dhimbje fyti, së bashku me ngjirje të zërit.

Simptoma të tjera, të cilat vijnë nga raportet në Mbretërinë e Bashkuar, janë dhimbja e fortë e fytit, dhe një dhimbje shumë e mprehtë gjatë gëlltitjes, shpesh e lokalizuar në pjesën e prapme të fytit. Simptoma të tjera të zakonshme, raportohet, janë lodhja, kolla e lehtë, ethet, dhimbjet muskulore dhe bllokimi, duke pasur parasysh ndryshueshmërinë e lartë të manifestimeve të Covid.

Rritja e Stratus ka prekur të tre rajonet e OBSH-së që ndajnë vazhdimisht sekuenca të Sars-CoV-2. Në rajonin evropian, prania e tij është rritur nga 10.6% në 16.7%. Në Azinë Juglindore, ku Nimbus kishte fituar terren me shpejtësi në fillim të pranverës, Stratus është rritur nga 17.3% në 68.7%.

OBSH-ja këmbëngul në dhënien “përparësi të veprimeve specifike për të adresuar më së miri pasiguritë që lidhen me rrjedhjen dhe ashpërsinë e antitrupave”.