by kfvanews
Share
by kfvanews
Share
Kryetari aktual i Mitrovicës nga radhët e Partisë Demokratike të Kosovës (PDK), Bedri Hamza, ka shpallur zyrtarisht mbështetjen e tij për Arian Tahirin si kandidat për kryetar të ardhshëm të komunës.
Përmes një deklarate publike, Hamza theksoi se është koha që drejtimin e Mitrovicës ta marrë një figurë e re, të cilës i beson plotësisht.
“Arian Tahiri është kryetari i ardhshëm i Mitrovicës! Sot, zyrtarisht mbështes të ardhmen. Nga sot, Mitrovicës ia ofrojmë Arian Tahirin si kandidat për të udhëhequr me qytetin tonë të zemrës,” tha ai.
Sipas Hamzës, Tahiri i përfaqëson vlerat që i duhen qytetit: dijen, përkushtimin dhe dashurinë për Mitrovicën.
Ai e vlerësoi kandidatin si doktor shkence, të përgatitur profesionalisht dhe të gatshëm për të marrë përgjegjësi. “Ariani e do shumë Mitrovicën. Është i arsimuar, i vendosur dhe shumë i përkushtuar për t’i shërbyer qytetarëve dhe qytetit tonë, ku ai ka lindur, punon e jeton,” u shpreh ai.
Hamza shtoi se që nga takimi i parë me Tahirin, i ka dhënë mbështetje të parezervë, mbështetje që do të vazhdojë edhe në rrugëtimin e tij të ri politik.
“Unë e mbështes me gjithë zemër. Mbështetne edhe ju! Besoni në Arian Tahirin! Ecim përpara së bashku!”, përfundoi Hamza.
Kandidatura e Arian Tahirit pritet të zyrtarizohet edhe nga strukturat e PDK-së në ditët në vijim.
Një rast i rëndë është duke u trajtuar nga Prokuroria Themelore në Ferizaj, ku një i mitur dyshohet se ka kryer një akt dhune seksuale ndaj një të mituri tjetër. Ngjarja dyshohet të ketë ndodhur më 10 korrik 2025, rreth orës 13:00, në një zonë pyjore të fshatit Gllavicë në komunën e Shtimes.
“Nuk më shqitet nga sytë buzëqeshja e Werner Daum mbrëmë kur u ndamë në oborrin e hotelit”, shkruan Pedagogu i Universitetit Europian të Tiranës, Besjan Zogaj, që shoqëronte ish-ambasadorin gjerman gjatë vizitës së tij në vendin tonë. Miku i Daum, në një reagim pas ndarjes nga jeta të diplomatit, kujton çastet e fundit
Njëherë qenë në prag, e tash u kthyen mbrapsht. Vota as për e as kundër, deputetët nuk iu dhanë as tash në formimin e komisionit për votim të fshehtë në procesin e konstituimit të Kuvendit, por për këtë paralajmërim Vetëvendosje u bë pishman. Kjo parti tash po thotë se nuk do i çojë
Në Kosovë, sipas Agjencisë së Statistikave, ka gjithsej 581 mijë e 95 banesa. Nga to 356 mijë e 959 janë të banuara nga një ose më shumë banorë, ndërsa 207 mijë e 165 banesa apo 35.7 për qind e tyre janë të pabanuara, përfshirë ato të destinuara për shitje, qira apo përdorime të
