by kfvanews
Share
by kfvanews
Share
Senati i dominuar nga Republikanët ka refuzuar të premten që të miratojë propozimin e nisur nga Demokratët për ta bllokuar presidentin amerikan, Donald Trump, nga përdorimi i forcës së mëtejme ushtarake kundër Iranit, disa orë pasi kreu i Shtëpisë së Bardhë kishte thënë se po e konsideron që ta bombardojë përsëri Republikën Islamike.
53 senatorë votuan kundër rezolutës, ndërsa 47 votuan pro saj, për kufizimin e kompetencave të luftës, e cila do ta detyronte Trumpin që të kërkonte miratimin e Kongresit për të vazhduar sulmet kundër Iranit.
Votat ishin kryesisht në vijë me qëndrimet partiake, me përjashtim të senatorit demokrat nga Pensilvania, John Fetterman, që kishte votuar kundër dhe të senatorit republikan nga Kentucky, Rand Paul, që kishte votuar pro.
Senatori Tim Kaine, nismëtari i kësaj rezolute, ka tentuar që për disa vite me radhë ta zgjerojë autoritetin e Kongresit në çështjet e lidhura me shpalljen e luftës.
Kaine ka thënë se përpjekjet e tij të fundit nënvizojnë se Kushtetuta amerikane i jep të drejtë Kongresit, e jo presidentit, që të shpallë luftë dhe kërkon që çdo armiqësi me Iranin të autorizohet në mënyrë të qartë me anë të një deklarate lufte ose me autorizim specifik për përdorimin e forcës ushtarake.
“Nëse mendoni se presidenti duhet të vijë në Kongres, pavarësisht nëse jeni pro apo kundër një lufte me Iranin, do të mbështesni Rezolutën e Përbashkët 59 të Senatit, do të mbështesni Kushtetutën që i ka rezistuar kohës”, ka thënë Kaine në një fjalim para fillimit të procesit të votimit.
Ligjvënësit kanë kërkuar më shumë informacion në lidhje me sulmet e fundjavës së SHBA-së ndaj Iranit dhe gjendjen e rezervave të uraniumit të pasuruar në nivel të lartë të Republikës Islamike.
Të premten, Trumpi kishte kritikuar liderin suprem të Iranit, Ayatollah Ali Khamenei, duke hequr dorë njëkohësisht nga planet për të zbutur sanksionet ndaj Iranit, si dhe bëri të ditur se do ta konsideronte përsëri bombardimin e tij, në rast se Teherani vazhdon të pasurojë uraniumin në nivele shqetësuese.
Komentet e presidentit amerikan janë si kundërpërgjigje e prononcimit të parë të Khameneit që prej përfundimit të konfliktit 12-ditor me Izraelin.
Presidenti amerikan, Donald Trump ka thënë se do të vendosë tarifa prej 25 për qind ndaj Japonisë dhe Koresë së Jugut, duke rritur presionin ndaj dy aleatëve amerikanë dhe dhjetëra ekonomive tjera për të arritur marrëveshje tregtare me Washingtonin. Trump u ka nisur letra të ngjashme liderëve të Afrikës së Jugut, Malajzisë, Mianmarit,
Kryetari i Drenasit, Ramiz Lladrovci, ka thënë folur për kryeministrin në detyrë Albin Kurti. Ai tha në “Rubikon” se Kurti e ka “llugë” në VV, duke komentuar deklaratën e tij se “PDK-ja ka 4-5 kryetarë”. Lladrovci tha se sa herë ia përmend emrin Kurti për të mirë ia humb 1 mijë vota në
Kryetari aktual i Drenasit Ramiz Lladrovcin ka folur për çështjen e kandidaturave për zgjedhjet e 12 tetorit, ku situata në Partinë Demokratike ka nisur të bëhet interesante. Në këtë parti, ambicie ka shprehur edhe Petrit Hajdari, por tani mbetet të konfirmuar se kush përfundimisht do t’ia mësyjë garës për të parin e Drenasit.
Kryetari i Drenasit, Ramiz Lladrovci, i ka reaguar Sami Lushtakut pasi ky e fundit tha se “Lladrovci duhet të shkojë te psikiatri”. Ai në “Rubikon”, ka thënë se për “Lushtakun ai nuk është normal sepse nuk vjen t’i meshojë derës me këmbë e të bëjë çfarë të dojë”. Lladorvci tha se ai vetëm
