Pasagjerët në një fluturim të Qantas Airways për në Paris kaluan më shumë se 15 orë në ajër përpara se të uleshin më në fund në Australi, nga ku kishin nisur udhëtimin e tyre, pasi një sulm me raketa iraniane gjatë konfliktit me Izraelin mbylli pjesë të mëdha të hapësirës ajrore të Lindjes së Mesme.
Boeing Co. 787 u nis nga Perth për udhëtimin e tij të zakonshëm 17-orësh për në Paris në orën 7:35 të mbrëmjes sipas orës lokale të hënën. Ai kishte arritur në skajin jugperëndimor të hapësirës ajrore indiane kur linja ajrore u njoftua për sulmin me raketa, duke e detyruar të kthehej prapa.
Aeroplani u ul në mënyrë të sigurt në kryeqytetin e Australisë Perëndimore rreth orës 11 të mëngjesit të martën.
Një tjetër fluturim i Qantas nga Perth për në Aeroportin Heathroë të Londrës u prek gjithashtu dhe u devijua për në Singapor, siç ventë Qantas sqaroi në një deklaratë.
Devijimet gjithashtu ndikuan në fluturimet e kthimit nga Londra dhe Parisi, dhe Qantas tha se po shqyrtonte opsionet për pasagjerët e prekur.
Kompania ajrore tha se do të vazhdojë të monitorojë disponueshmërinë e hapësirës ajrore dhe do të përdorë rrugë alternative për fluturimet drejt Evropës, duke marrë parasysh kushtet e motit dhe të sigurisë.
Fluturimet direkte të Qantas nga Perth drejt Evropës zakonisht fluturojnë mbi Lindjen e Mesme dhe ndonjëherë duhet të bëjnë devijime më të gjata për të shmangur kufizimet e hapësirës ajrore ose të ndalojnë në Singapor për t’u furnizuar me karburant.