by kfvanews
Share
by kfvanews
Share
Oda Ekonomike e Kosovës (OEK), ka njoftuar për një aktgjykim të dytë brenda dy ditësh nga Gjykata Komerciale , i cili anulon njoftimin e Zyrës së Rregullatorit të Energjisë (ZRRE) për daljen në tregun e lirë të energjisë.
OEK përmes një njoftimi ka treguar se ky zhvillim tregon qartë se bizneset kanë pasur të drejtë kur kanë ngritur zërin ndaj padrejtësive të ZRrE-së, raporton Periskopi.
“Oda Ekonomike e Kosovës inkurajon të gjitha bizneset që ndihen të cenuara nga ky vendim që të ndjekin rrugën ligjore për të mbrojtur interesat e tyre. Çdokush që ka nevojë për asistencë, brenda Odës është themeluar një ekip juristësh që do të ndihmojë në draftimin e akteve kundër njoftimit të ZRrE-së”, thuhet në njoftim.
OEK ka bërë thirrje që ZRrE të pezullojnë njoftimin për daljen në tregun e lirë.
“U bëjmë thirrje ZRrE-së që ta pezullojë njoftimin për daljen në tregun e lirë, përpara se të krijohen pasoja edhe më të mëdha për biznesin, ekonominë dhe qytetarët e Republikës së Kosovës”, thuhet në njoftim.
Kujtojmë, se dje Gjykata Komerciale ka marrë vendim për pezullim të vendimit të Zyrës së Rregullatorit të Energjisë (ZRRE) për treg të hapur deri në një vendim të gjykatës.
“APROVOHET si i bazuar propozimi i paditësit… L.L.C për caktimin e masës së sigurisë për shtyrjen e ekzekutimit të Njoftimit. PEZULLOHET ekzekutimi i Njoftimit të datës 03.06.2025 për moslejimin e paditësit/propozuesit të shfrytëzojë furnizimin nga shërbimi universal, i nxjerrë nga Zyra e Rregullatorit për Energji, derisa Gjykata të vendosë me vendim përfundimtar gjyqësor përkitazi me padinë e paditësit”, thuhej në njoftim.
Për këtë vendim, kryetari i Aleancës Kosovare të Biznesit (AKB), Agim Shahini, në një prononcim për Periskopin e ka mirëpritur këtë vendim të Gjykatës Komerciale.
“Drejtësia dhe Gjykata është në anën e të drejtë të bizneseve të Kosovës. Kërkojmë nga ZRrE-ja zbatueshmëri e barabartë për të gjitha bizneset për këtë vendim. Presum anulimin e vendimit nga ZRrE-ja dhe vazhdimin e punës së furnizimit me energji elektrike sipas rregullave të çmimit universal”, kishte thënë Shahini.
Por , këtë vendim të Gjykatës Komerciale nuk është duke e zbatuar Zyra e Rregullatorit të Energjisë(ZRrE).
Zyra e Rregullatorit për Energji (ZRRE) kishte se nuk e ka pezulluar vendimin për liberalizimin e tregut të energjisë elektrike.
Nesër parashihet të mbajë mot me diell dhe vranësira të shpërndara. Sipas Institutit Hidrometeorologjik të Kosovës, vranësirat gjatë ditës parashihen të dendësohen dhe si rezultat priten riga shiu nëpër disa zona, kryesisht në juglindje të vendit. Temperaturat minimale pritet të sillen nga 12 e 17°C, kurse ato maksimalet nga 21 – 25°C.
Një aeroplan Airbus i kompanisë Iberia, me kod fluturimi A321XLR, u detyrua të bënte një ulje emergjente të dielën pasi u përplas me një zog menjëherë pas ngritjes nga aeroporti i Madridit. Siç mund të shihet në videot dhe fotot e postuara në mediat sociale, aeroplani, me destinacion aeroportin Orly në Paris, pësoi
Holanda njoftoi të hënën se do të kontribuojë me 500 milionë euro për të blerë pajisje ushtarake amerikane për Ukrainën, duke u bërë vendi i parë i NATO-s që kontribuon në një mekanizëm të ri për ta furnizuar Kievin me armë amerikane. Presidenti i Shteteve të Bashkuara, Donald Trump, tha muajin e kaluar
Këshilli Prokurorial i Kosovës (KPK) në mbledhjen e jashtëzakonshme me numër 271, ka shfuqizuar vendimin për miratimin e Rregullores për plotësim/ndryshimin e Rregullores për Themelimin dhe Funksionalizimin e Komisionit për Koordinim dhe Luftimin e Krimit Ekonomik (KKLKE), duke mbetur pa këtë pozitë prokurori Kujtim Munishi. Munishi ishte emëruar në pozitën e koordinatorit Kombëtar
