kfvanews
AUV e konfirmon: MEKA HALAL FOOD nuk ka asnjë lidhje me rastin e salmonelës – Mediat Veriu.info, Paparaci, Insajderi e Demokracia përhapën “fake news” për ta goditur kompanin.
Agjencia e Ushqimit dhe Veterinarisë e Kosovës (AUV) ka sqaruar përfundimisht rastin e salmonelës në mishin e pulës, duke konfirmuar se MEKA HALAL FOOD nuk ka asnjë përgjegjësi për incidentin e ndodhur vitin e kaluar. AUV ka bërë të qartë se ngarkesa e mishit ka ardhur nga Rumania, është kapur në pikën kufitare në Han të Elezit, dhe asnjëherë nuk ka hyrë në treg për konsum.
“Ngarkesa ka qëndruar e bllokuar në depon e kompanisë përpunuese, nën mbikëqyrjen e AUV-së, dhe është kthyer në vendin e origjinës më 13 gusht 2024. Konsumatorët nuk kanë qenë asnjëherë në rrezik,” ka sqaruar AUV. Ky rast ka ndodhur VITIN E KALUAR dhe nuk ka asnjë lidhje me MEKA HALAL FOOD.
Megjithatë, disa portale si Veriu.info, Paparaci, Insajderi e Demokracia e kanë keqpërdorur rastin për ta njollosur MEKA HALAL FOOD, duke e paraqitur si kompani që ka futur në treg mish me salmonelë. Ky manipulim i qëllimshëm, i nxitur nga interesat për ta goditur reputacionin e një prej kompanive më korrekte dhe më cilësore në Kosovë, përbën një akt të ulët shantazhi dhe dezinformimi.
MEKA HALAL FOOD thekson edhe një herë:
– Produkti problematik NUK ka qenë kurrë i MEKA-s.
– NUK ka hyrë kurrë në tregun e konsumatorëve.
– Veprimet e AUV-së kanë qenë korrekte, ligjore dhe në përputhje të plotë me standardet e sigurisë ushqimore.
Ky rast tregon edhe një herë mungesën e përgjegjësisë dhe etikës gazetareske te portalet si Veriu.info, Paparaci, Insajderi e Demokracia, që për hir klikimesh përhapin dezinformata për ta njollosur MEKA HALAL FOOD – një kompani që prej vitesh qëndron simbol i cilësisë, sigurisë dhe përkushtimit për konsumatorët e saj.
MEKA HALAL FOOD mbetet e përkushtuar për cilësi dhe integritet, pavarësisht përpjekjeve për njollosje nga ata që nuk njohin etikën gazetareske. E vërteta triumfon gjithmonë, dhe MEKA do të vazhdojë t’u shërbejë konsumatorëve me përgjegjësi e përkushtim maksimal./KFVA/
