kfvanews
MEKA Halal Food, kompania lidere e mishit hallall në Kosovë, po përballet me një fushatë të orkestruar dezinformimi nga disa portale si Veriu.info, Insajderi, Paparaci e Demokracia, të cilat po tentojnë ta njollosin për përfitime financiare dhe sponsorizime.
Me anë të lajmeve të paqena e pretendimeve të pabazuara, këto portale po tentojnë ta shndërrojnë MEKA-n në pre e shantazhit mediatik. Qëllimi? T’i sigurojnë vetes përfitime financiare përmes njollosjes e më pas “shuarjes” së zhurmës kundrejt pagesave për sponsorizim.
Por MEKA Halal Food – lider i cilësisë, sigurisë ushqimore e përgjegjësisë përballë konsumatorëve – ka vendosur t’u përgjigjet fuqishëm këtyre tentativave.
“Gënjeshtra juaj nuk kalon! MEKA Halal Food nuk blihet e as nuk shantazhohet nga askush. Cilësia, siguria dhe transparenca janë parime që nuk i nënshtrohen asnjë portali e asnjë lloj shantazhi,” ka deklaruar pronari i MEKA-s.
Ai ka sqaruar se portali Veriu.info dhe disa portale të tjera kanë keqpërdorur një lajm për mishin e pulës për ta njollosur MEKA-n, edhe pse çdo procedurë e sigurisë ushqimore ka qenë e respektuar me përpikmëri, çdo analizë e kryer sipas ligjit, dhe asnjë gram mish i kontaminuar nuk ka dalë nga depot e MEKA-s për në treg.
“MEKA ka qenë, është dhe do të mbetet sinonim i cilësisë, sigurisë ushqimore dhe korrektësisë maksimale ndaj konsumatorëve. Ne nuk u nënshtrohemi tentativave për njollosje e as shantazhit për sponsorizime,” ka theksuar MEKA.
Kompania paralajmëron se për çdo portal që vazhdon shpifjet e njollosjen e qëllimshme do të përgjigjet përballë drejtësisë për njollosje, dezinformim dhe tentim-dëmtim të imazhit.
MEKA Halal Food i siguron konsumatorët e saj se asnjë tentativë për njollosje nga portalet e shantazhit nuk do ta lëkundë përkushtimin e saj për cilësi, siguri e përgjegjësi.
“Drejtësia do ta thotë fjalën e saj. MEKA nuk blihet e as nuk gjunjëzohet para askujt!”.
