by kfvanews
Share
by kfvanews
Share
Ish-deputeti Visar Ymeri ka komentuar dështimet në konstituimin e Kuvendit të Kosovës, duke e cilësuar situatën si krizë që buron nga sjellja e Lëvizjes Vetëvendosje dhe Albin Kurti.
Në Debat Plus, Ymeri theksoi se problemi nuk qëndron më te Kushtetuta, por te “këmbëngulja dhe kryeneçësia e Kurtit dhe VV-së”.
“Tash nuk e kemi problemin tek Kushtetuta e as te institucioni, po tek këmbëngulja dhe kryeneçësia e Albin Kurtit dhe VV-së. Shiko çfarë situate, dhe kjo nuk krahasohet as me VLEN e as me PAN, sepse tash jemi në një situatë, kur dy parti politike që kanë deputetë më shumë se që me ia bë shumicën Albin Kurtit, po i thonë së paku njëra, PDK, hiqi këta që i ki pas ministra, 40 deputetë të tjera t’i votoj. Askush s’po ia konteston VV-së të drejtën për me pas kryetarin e Kuvendit”, ka thënë Ymeri.
“Albin Kurti po thotë se këta s’po ma duan Albulenën, por ky po e fsheh faktin se nuk po i do 40 deputet të LVV-së. Kurti është kundër Glauk Konjufcës, kunder Saranda Bogujevcit, kundër Shqipe Selimit, Artan Abrashit, Mimoza Kusarit e kundër deputetëve tjerë. Këtu është problemi”, ka shtuar ish-deputeti.
Kuvendi ka dështuar për herë të 36-të me radhë të konstituohet, katër muaj pas zgjedhjeve të 9 shkurtit.
Përfaqësuesit e popullit po mblidhen çdo të dytën ditë që nga 15 prilli, por ende nuk kanë arritur të zhbllokojnë ngërçin institucional.
Ata do të mblidhen sërish më 25 qershor.
Në qendër të bllokadës është moszgjedhja e kryetarit të Kuvendit, për shkak të mungesës së votave për kandidatin e Vetëvendosjes, Albulena Haxhiu. Në mungesë të 61 votave në votim të hapur, po tentohet të formohet një komision për votim të fshehtë, por kjo ka dështuar 27 herë, pasi PDK, LDK, AAK dhe Lista Serbe nuk kanë propozuar nga një anëtar për ta bërë të mundur këtë proces.
Sikur të mos mjaftonin zjarret në gjithë Shqipërinë, duket se flakët nuk po kursejnë as kodrat fare pranë zonave rezidenciale pranë kryeqytetit. Duke qenë se forcat janë përqendruar në zjarret e mëdha si në jug ashtu edhe në veri, mesa duket ndihma ka munguar në këto zona, shkruan KFVA. Një vatër e madhe
Policia e Kosovës ka konfirmuar se një person ka humbur jetën si pasojë e të shtënave me armë zjarri në Hajvali. Mediat raportojnë se viktimaa është Muhamet Matoshi, 41 vjeçar. Zëdhënësja e Policisë për rajonin e Prishtinës, Flora Ahmeti, ka bërë të ditur se ngjarja ka ndodhur rreth orës 22:00. Një person është
Brenda 24 orëve të fundit në Kosovë, kanë vdekur gjashtë persona. Pesë janë vrarë dhe një tjetër ka vdekur si pasojë e një aksidenti. Vrasja e fundit ka ndodhur para pak minutash në Hajvali. Reporteri.net ju sjell detaje rreth këtyre rasteve. Kosova nuk po gjen qetësi nga vrasjet. Para pak minutash një rast
Nesër pritet të mbajë moti me diell dhe vranësira të shpërndara. Sipas Institutit Hidrometeorologjik të Kosovës, temperaturat minimale pritet të sillen nga 12 e 17 gradë Celsius, kurse ato maksimalet nga 31 e 35 gradë Celsius. Derisa, era pritet të fryej nga veriperëndimi.
